غير زيد قرا

عبدالحنين العيادي

 

واش هد الكلمة مزال ما طلعت فراس                                                                         

هذي كذبة اقديمة و كلام ما عندو أساس

من هاد لعام لهاد لعام فين بغاو يوصلونا هاد الناس

المصير باين الصدمة و النهاية القرعة و الكاس

الطفل خاصو الروض ضروري كطور بدائي

من بعد ينتقل لمرحلة الإبتدائي

من مرحلة لمرحلة وبنادم غادي وكيتألم

وصعيب على الإنسان يفكر في المشاكل ويتعلم

راه غير كيزيد يعقد حياتو و يتأزم

فوقاش غادي نضمنو حقوقنا فهاد الوطن لمبغاش يتقدم                                         

فالأول يزربو علينا الروض الإبتدائي الإعدادي

في الثانوي حبس حدك تم رجع فين غادي

واش يسحبلك غير أجي ودوز راه الأمر ماشي عادي

أومنين توصل للجامعة فينك أزهري عليك كنادي

بحلي أول نهار فلقرايا عندك

جو مبدل محيط أخر كلشي غريب عليك

ماتسمع غير قرا كافح زير أزيد زير

الطالب كيولي غير لكتب والقهوة ماكين غير عصر

فنتائج واحد فرحان لاخر مكره والثالث فيه يصبر 

كيولي حاس بالمسؤولية في المستقبل ديما كيفكر

فالليل ينعس معطل ومعذب وفصباح خصو يبكر

المشاكيل كيقظيو على المعلومات وشحال قدك تذكر

تحصل على دبلوم الدراسات العليا يقلك ماكافيش                                                           

ناري ناري على المواطن المسكين كيدير يعيش

زيد قرا شوي وحصل على الإجازة يكون خير

ماكين مشكيل حيت أصلا ماكين مادير

الله الله من الإجازة للماستر حتى للدكتراه وزيد سير

في النهاية سير لرباط متنساش تدي معاك البندير

سنوات وبنادم يقرا ويدوزها فراسو ويصبر

غير زيد قرا ماهي إلاسياسة حفرولنا بها لقبر

تعليقات